Bakailao-tortilla prestatzeko bakailao gezatua eta xehatua erabiliko dugu, bizkarrak baino merkeagoa izan ohi dena. Errezeta honetan, bakailaoak gatz-puntu egokia izan behar du. Guk geuk gezatzen dugu, eta puntuan dagoenean, izoztu egiten dugu. Bakailao gezatuarekin errezetaren bat egin nahi dugun egunean, aurreko egunean hozkailura pasatzea gogoratu besterik ez dugu egin behar. Beste aukera bat bakailaoa zuzenean gatz-puntuan erostea da.