Eusko Jaurlaritzak aurreratu du bi asteko epean erantzungo diola Hernaniko eta Astigarragako udalen eskaerari —«txotx» denboraldiaren «albo-kalteei» heltzeko erakunde arteko mahai bat sortzea—, baina nabarmendu du foro horretan sagardo-sektoreak ordezkatuta egon beharko duela. Hernaniko alkatea, Xabier Lertxundi, eta Astigarragakoa, Xabier Urdangarin, otsailaren 1ean Aldundiko Lurralde Oreka Berdeko diputatuarekin, Xabier Arrutirekin, bildu ziren, eta joan den asteazkenean Eusko Jaurlaritzako Nekazaritza, Arrantza eta Elikadura Politikako sailburuordearekin, Bittor Orozekin, gai hori jorratzeko, bi udalek gaur ohar bateratu batean jakinarazi dutenez.