Denboraldi honetan hamabi milioi litro sagardo egin dira, eta horietatik lauk Euskal Sagardoa Jatorri Deituraren bereizgarria dute; aurreko urteko bertako uzta bikoiztu da.

Etxezarreta izan da Sagardoaren Lurraldeak —sagardogileak biltzen dituen elkarteak— antolatutako ekitaldiaren protagonista. Ez da egun hauetan egindako ekitaldi bakarra izan: hainbat herrik eta sagardotegik irteera-seinalea eman diote dagoeneko, edo datozen egunetan emango diote, arrakastatsua izango dela aurreikusten den denboraldiari, eta larunbat eguerdiko erreserbak izugarri hazi dira.