Txotx! Oihuak sagardotegiko harri eta egur zaharren artean egiten du oihartzuna, eta, malguki batek eraginda bezala, mahaikide guztiek jauzi egiten dute eta, basoa edo kopa eskuan, kupelarantz doaz; han, sagardogileak txorrota bat ireki du dagoeneko, eta handik etengabeko zurrusta batean ateratzen da sagardoa, likido urre-koloreko, fresko eta naturala. Espainian jende gehienak sagardoa Asturiasekin lotzen badu ere, Euskal Herrian ere sagardoa egiten da, eta eskualde oso sagardozaleak daude, batez ere Gipuzkoan: Astigarraga (Donostialdea), esaterako, edo Goierri osoa, euskal Highlands-ak.